Siapa Tuah Siapa Jebat?

Harini ada pergaduhan kat padang bola.
Dekli (bdk yg suka gigit aku klu gaduh-sila rujuk post lepas).
dengan veteran yg bernama Che Yus atau Lampard (bak kata coach aku)

Skeaping nogori lah besh ckit. Ehem2.

Mulo eh cania, team veteran dapek gol dulu.
So, team den kono buka baju. Tapi. tapi..
den ngan dekli x bukak baju. Sobab. sobab..
dulu diaorg pnh x bukak baju klo kitaorg gol dulu.

Den kono sound. tp den buek x apik yo. buek songih2.
Lopeh tu si dekli melantun lak deh. dio koba..
"dulu klu tim sey gol acik bkn nk bukak baju!!"
Lantunan dekli tu membuat Yus ni hanginnn. Merah pdm muko eh.
muko eh pon dh mcm gotah pemadam stabilo.
"Kuang haja kau ni dekli!!" Yus koba kek dekli.
"Lancau la" Dekli baleh kek Yus.

Lopeh tu Yus pandang yo dekli ngan muko x pueh hati.
cumo bini eh sajo yg buleh memueh an hati n nafsu Yus.
apo den pesong ni. bebalik cito td.
Nak jadi an cito, bola sampai la kek dekli. Tibo2! tibo2..
Yus men'sliding' dekli. nampak bona nk makan kaki dekli.
tapi dekli bijak melompek. kono ckit jo.
Lantas dekli ngn spontan ckp "agak2 la acik!!"

Puk! Pak! Puk! Pak! Prettt! oi sapo kontut ni? hehehe.xdo lah gurau jo.
Diaorg betumbok kek tgh pdg!!! yus den tgk dh mcm beruang kutub dapek singo laut.
sobab dekli pendek dr Yus. Den pon belari la kek diaorg konon jd mcm pengadil la.
kawal keadaan. Kau donga yo dialog diaorg (leh donga ko?hahaha..):

Dekli : Acik tu dh tuo!! xsoda diri!!
Yus : kau kuang haja!! meh cnie kau!!
Den : Dh la tu cik malu acik tu tuo!
Yus : kau ketopi wan!
Den : Woi dh la tu!!
Dekli : meh sinia!! apo ingat den takut ko??? sinia!!

Prung prang prung prang.. Dekli kluar pdg..
Yus masih dlm pdg tp muko eh mmg x pueh hati.
Merah pdm.

Tu lah. Veteran... Den baru uji ckit.
den x bukak baju bilo diaorg gol.
klu tim den gol diaorg x bukak baju mcm mano plak.
x soda diri. osah boto.

dah la tu. sok2 sambong laie.

Yang Bonar,
(Mangsa Koadaan)